2021 оны 10-р сарын 22нд Иргэдийн Төлөөлөгчдийн Хурлын Төлөөлөгчид хуралдаж 2021 оны төсөвт нэмэлт өөрчлөлт оруулах тухай, Мөн 2022 онд иргэнд өмчлүүлэх газрын байршил, хэмжээ, зориулалтыг тогтоох тухай хэлэлцэж Сумын Засаг Даргын өргөн мэдүүлснээр Баянтүмэн сумын нутаг дэвсгэрт 2022 онд иргэнд гэр бүлийн хэрэгцээний зориулалтаар өмчлүүлэх газрын байршил, хэмжээ зориулалтыг 48 иргэнд 4.32 га газрыг өмчлүүлэх санал хүргүүллээ.

Монгол улсын Ерөнхийлөгчийн санаачилсан "Тэрбум мод" үндэсний хөдөлгөөнд Баянтүмэн сумын Засаг Даргын Тамгын Газрын алба хаагчид нэгдэж нээлтээ хийлээ. Мөн 2-р багийн иргэн Ж.Жавзмаа хүний биеийн эрүүл мэндэд тустай Булцуут цэцгийн үр хандивлалаа. Баянтүмэнчүүд та бүхнийг "Тэрбум мод" үндэсний хөдөлгөөнд нэгдэхийг уриалж байна.

Ковид 19 цар тахлын хүнд цаг үед Сумын Эрүүл Мэндийн төвд зайлшгүй шаардлагатай*** Хүчилтөрөгч өтгөрүүлэгч аппрат 2 ширхэг***ийг хүлээлгэн өглөө. Мөн сумын нутаг дэвсгэрт гараад байгаа “Үхрийн арьс товруутах” малын гоц халдварт өвчний үед орон нутгийн малчдад дэм болох зорилгоор малын гоц халдварт өвчинтэй тэмцэх арга хэмжээнд зориулан ***шатахуун ***болон ариутгал халдваргүйтгэл хийхэд шаардлагатай*** хувцас хэрэглэл, амны хаалт, бээлий, ариутгал хийдэг шүршигч насос*** зэргээр тусламж үзүүлж буй*** “Меланж” ХХК-д сум орон нутгийн удирдлага болон иргэд талархал илэрхийлж байна.***

Баянтүмэн сумын Ахмад настан та бүхэндээ Ахмадын баярын 90 жилийн ойн мэндийг хүргэж байна.

Баянтүмэн сумын 1дүгээр багт байрлах хүнсний ногооны зоорыг "Хабул Констракшен" ХХК-аар засаж сайжруулж ашиглалтад орууллаа. Ингэснээр сумын тариаланчид ногоогоо хадгалахад асуудалгүй болж, иргэд маань шинэ хүнсний ногоогоо дэргэдээсээ авч хэрэглэхээр болж байна.

2012 оноос эхэлсэн малжуулах төсөл өдийг хүртэл амжилттай хэрэгжиж 1 баг дээр 30 гаруй өрх хамрагдсан байна. Үүнээс аймаг сумын аварга малчид төрөн гарсан нь хэр үр өгөөжтэй вэ гэдгийг харуулж буй. Энэ жилийн хувьд 4  багийн 15 өрх малжуулах төсөлд хамрагдлаа. Өмнө жилийн малжуулах төсөлд хамрагдсан өрхүүд малжуулах төслөөс мал авч 2-3 жилийн хугацаанд төл авч өөрийн гэсэн малтай болсондоо баяртай байна. Мөн энэ жилээс малжуулах төслийг 3 жилийн хугацаатай өгч байгааг малжуулах төсөлд хамрагдсан иргэд сайшааж байна.

Монгол Улсын Ерөнхийлөгчийн зарлигаар салбартаа олон жил үр бүтээлтэй ажиллаж, улс, аймаг, орон нутгийнхаа хөгжил цэцэглэлтэд үнэтэй хувь нэмэр оруулсан Баянтүмэн сумын дараах иргэдийг төрийн дээд одон медалиар шагнасан байна.

Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг дагаж мөрдөх журмын тухай хуулийг хэрэгжүүлж зээл аваагүй тэтгэвэр авагчид 1 сая төгрөгтэй тэнцэх дүнтэй үнэт цаасыг эзэмшүүлж байна. Тэтгэвэр барьцаалсан зээлтэй иргэдийн зээлийн үлдэгдэл төлбөр нь 1 сая төгрөгийн хэмжээнээс бага байвал зөрүү төлбөрийн дүнтэй тэнцүү хэмжээний үнэт цаасыг тухайн иргэнд эзэмшүүлэх ажлыг зохион байгуулж байна.

Баянтүмэн сумын хэмжээнд Ковид-19 цар тахлын эсрэг вакцинжуулалтын ажил өнөөдөр эхэлж Сумын Засаг дарга болон Эрүүл мэндийн төвийн албан хаагчид вакцины эхний тунд хамрагдлаа.

Нутгийн өөрөө удирдах ёсны байгууллагыг бэхжүүлэх ИТХ-ын Төлөөлөгч нарыг чадавхжуулах сургалтыг аймгийн ИТХ-ын дарга асан, Аймгийн иргэдийн Төлөөлөгчдийн Хурлын даргын зөвлөх, сургагч багш Л. Хишигтогтох, аймгийн ИТХ-ын төлөөлөгч асан, Гавъяат эдийн засагч Л.Түвдэнням, аймгийн ИТХ-ын Нарийн бичгийн дарга Б.Энхээ, Баянтүмэн сумын Иргэдийн төлөөлөгчдийн хурал хамтран зохион байгууллаа.

Аймгийн Иргэдийн Төлөөлөгчдийн Хурлын төлөөлөгч Хүнс хөдөө аж ахуйн бодлогын хорооны дарга Ж.Цогтбаатараар ахлуулсан ажлыг хэсэг 3 дугаар сарын 29 нд ажиллаа

Төрийн албан хаагчийн сургалт хөгжил, нийгмийн баталгааг дэмжих дэд хөтөлбөрийн хүрээнд Засаг даргын Тамгын газрын албан хаагчид Монголын Хүний нөөцийн удирдлагын шинэчлэл академийн багш Д.Хүрэлбаатар "Хувь хүний хөгжлийн төлөвлөлт" сургалтад хамрагдлаа.

Орон даяар гамшгийн аюулын тухай зарлан мэдээллийн дадлага сургалт, бэлэн байдлыг шалгах ажлын хүрээнд Баянтүмэн сумын албан байгууллага, аж ахуй нэгжүүд 99 хувийн ирцтэй, 27 техник хэрэгсэлтэйгээр зохион байгуулж иргэд, алба хаагчид идэвхитэй хамрагдлаа.

Улсын Онцгой комиссын шийдвэрээр “Ногоон бүс” дэх Аймаг, сумдын Ерөнхий боловсролын сургууль болон Сургуулийн өмнөх боловсролын хичээл, сургалтын үйл ажиллагааг танхимаар зохион байгуулах түр журмыг хэрэгжүүлэн сургууль болон дотуур байрны орчинд ариутгал халдваргүйжүүлэлтийг хийж Ерөнхий боловсролын сургуулийн нийт суралцагчдын 81 хувь, Сургуулийн өмнөх боловсролын 82,2 хувь нь танхимын хичээлд, 17,7 хувь нь цахим сургалтад хамрагдлаа.

Сумын ИТХ-ын 2020 оны 12-р сарын 04-ны өдрийн 02 дугаар хуралдааны 11 дүгээр тогтоолын 1дүгээр хавсралтын дагуу үйлдвэрлэлийн зориулалтаар гэрээгээр эзэмшүүлэх хадлангийн талбай 2-р баг- 1300 га 3-р баг-1000 га 4-р баг-1050 га нийтдээ 3350 га газрыг сумын хэмжээнд баталсан байна. Өнөөдрийн байдлаар Баянтүмэн сумын өрхийн хэрэгцээнд хадлан бэлтгэхээр хүсэлт өгсөн иргэд: • 1 дүгээр багийн 25 иргэн 380га талбайд, • 2 дугаар багийн 53 иргэн 450га талбайд, • 3 дугаар багийн 54 иргэн 520га талбайд, • 4 дүгээр багийн 47 иргэн 540га талбай Үйлдвэрийн хадлан хадахаар • 1 дүгээр багт 18 иргэн 3800га талбайд, • 2 дугаар багт 28 иргэн 5150га талбайд, • 3 дугаар багт 7 иргэн 2450га талбайд, • 4 дүгээр багт 11 иргэн 1930га талбайд Хэрлэн сумаас • Өрхийн хэрэгцээнд хадлан хадахаар 13 иргэн, • Үйлдвэрийн хадлан хадахаар 16 иргэн 4350га талбайд Мөн 10 Аж ахуй нэгж 1660га талбайд хадлан хадах хүсэлт өгсөн байна. Үүнээс 3350га талбай батлагдаж Баянтүмэн сумын 43 иргэнд 2850га талбайд, Хэрлэн сумын 7 аж ахуй нэгжид 500га талбайд хадлан хадах зөвшөөрөл өгсөн байна.